Татарстан Рәисе «Яңа химия индустриясе» фондында катнашучылар белән очрашты
20 нче Россия венчур форумы кырларында Татарстан Республикасы Рәисе Рөстәм Миңнеханов «Яңа химия индустриясе»фондында катнашучылар (инвесторлар) белән очрашты. Бу хакта ТР Рәисе матбугат хезмәте хәбәр итә.
2025 елда ТНХИ һәм ТР ИВФ инициативасы белән оештырылган «Яңа химия индустриясе» фонды химия тармагының югары технологияле компанияләренә ярдәм итүгә һәм аларны киңәйтүгә юнәлдерелгән. Инвестицияләр органик синтез, яңа материаллар һәм матдәләр эшләү өлкәсендәге проектларга, шулай ук аларны җитештерү технологияләренә юнәлтелә.
Очрашу барышында катнашучылар фонд эшенең нәтиҗәләрен күрсәттеләр һәм инвесторлар составының киңәюе турында хәбәр иттеләр.
Утырышта, яңа индустриаль көн тәртибенең һәм илнең технологик бәйсезлеген ныгытуның төп элементларының берсе буларак, химия технологияләрен үстерүгә кызыксынуның артуын билгеләп үттеләр.