Бұл туралы Caravan.kz медиа порталы Sputnik.kz-ке сілтеме жасап хабарлайды.

Қазақстандық фермерлер ауыл шаруашылығы жұмыстарына дизельді бөлшек сауда бағасынан 15 пайызға арзан алады, деп хабарлайды энергетика министрлігінің баспасөз қызметі.

Тікелей ауыл шаруашылығы өнімдерін өндірушілерге ұсынған дизельдік отынның бағасы 250 теңге/литрді құрайды, бұл жанармай құю станциясындағы бөлшек сауда бағасынан 15%-ға төмен.

Энергетика вице-министрі Ерлан Ақкенженов өткізген кеңесте "2024 жылғы көктемгі дала жұмыстарын дизельдік отынмен қамтамасыз ету үшін өңірлерді мұнай өңдеу зауыттарына бөлу кестесі" бекітілді.

Кестеге сәйкес 2024 жылғы 1 ақпан мен 30 маусым аралығында Қазақстанның 20 өңірінің 17-сінде ауыл шаруашылығы тауарын өндірушілерге (ауыл шаруашылығы өнімдері) 340,2 мың тонна дизель отынын бірінші кезекте тиеу және жеткізу жоспарланған, оның ішінде: ақпанда – 45, наурызда – 90,4, сәуірде – 92,8, мамырда – 103,4 және маусымда – 8,6 мың тонна.

Атырау, Павлодар және Шымкент мұнай өңдеу зауыттары өндіретін дизель отынын жөнелту және жеткізу "ҚазМұнайГаз" ҰК АҚ және "Petrosun" ЖШС ресурстары есебінен жүзеге асырылады.

"Энергетика министрлігі тікелей ауыл шаруашылығы өнімдерін өндірушілерге ұсынған дизельдік отынның бағасы 250 теңге/литрді құрайды, бұл жанармай құю станциясындағы бөлшек сауда бағасынан 15%-ға төмен және 2023 жылы егін жинағаннан кейін де өзгеріссіз қалады", — делінген ведомство хабарламасында.

Қазір облыс әкімдіктері жанындағы арнайы комиссиялар Атырау, Павлодар және Шымкент мұнай өңдеу зауыттарынан ауыл шаруашылығы тауарын өндірушілерге отын жеткізу бойынша өңірлік операторларды анықтауда.