Қазақстандықтар 12,7 млрд теңге көлеміндегі зейнетақы жинақтарын жеке компанияларға берді, деп хабарлайды LS.

Бірыңғай жинақтаушы зейнетақы қорында (БЖЗҚ) бұл ақша көлемі 2021 жылғы 18 ақпан мен ағымдағы жылғы 1 қазан аралығында аударылғанын атап өтті. Зейнетақы қоры салымшылардың 9,2 мыңнан астам өтінішін орындады.

Зейнетақы активтерінің ең көп сомасы Jusan Invest – 5,01 млрд теңгеге және Halyk Global Markets – 2,8 млрд теңгеге тиесілі.

Жинақ ақшаның көп бөлігін Алматыға – 5,1 млрд теңге, Астанаға – 2,8 млрд теңге бөлді. Сондай-ақ, Маңғыстау облысында – 656 млн теңге, Атырау облысында – 646 млн теңге және Қарағанды облысында – 586 млн теңге.

Бірақ жинақтың ең азы – Алматы және Түркістан облыстарында, тиісінше 41 млн және 62 млн теңгеден.

Наурыз айында LS редакциясы жеке инвесткомпанияларға 9,5 млрд теңгеге зейнетақы активтері берілгені туралы жазған болатын.

Естеріңізге сала кетейік, 1 шілдеден бастап қазақстандықтарда зейнетақы жинақтары сомасының 50%-на дейін инвестициялық портфельді басқарушыға беру мүмкіндігі пайда болды.